|
 Baladweeyne,(insidesomalia.org)-Odayaasha dhaqanka Gobolka Hiiraan ayaa ugu baaqay shacabka Gobolkasi in ay ka digtoonaadaan bililiqo ka dhacda halksi, kadib kulan ay ku yeesheen Magaalada Baldaweeyne.
Kulankan oo ay ka soo qeeyb galeen Odayaasha dhaqanka Gobolka Hiiraan oo ka koobanaa 63 Xubnood ayaa waxaa uu ka dhacay xarunta Odayaasha ee Baar Faahiye ee Magaalada Baladweeyne.
Odayaasha ayaa kulankooda ku lafa gurayay xaaladaha amaan xumi ee dhawaanahan ku soo kordhay Magaalad Baladweeyne iyo guud ahaan Gobolka Hiiraan, taasi oo ka danbeeyay ka bixitaankii Maamulka Gobolka iyo iscasilaadii xubno Maamulkasi ka tirsanaa.
Axmed Xasan Baroow oo ah Gudoomiye xigeenka Odayaasha Dhaqanka Gobolka Hiiraan oo warbaahinta lahadlayay ayaa sheegay in waxa keenay xiligan in kulan sidan oo kale ah ay yeeshaan ay tahay xaalada Mugdiga ah ee uu sii galayo Gobolka Hiiraan iyo Bililiqada ka soo cusboonaatay Magaaladaasi,kadib markii ay isga baxeen Madaxdii Gobolka.
Sidoo kale waxaa uu intaa ku daray in Ciidamo madani ah loo sameeyay Magaalada Baldweeyn, isla markaasi ayba xalay ka hoowlgaleen Magaalada, kuwasi oo illaalinaya xarumaha Dowladda.
Kulamadani ayaa waxaa ay ku soo beegmayaan xili dhawaanahani ay Magaalada Baldweeyne aysan laheeyn Maamul kala haga, taasi oo keentay in dadka deegaankasi ay boob iyo dhac kula dhaqaaqeen Xarumaha Maamulka Gobolka.
 |
Siyaasadda | Somaliya 
Subscribe to this comment's feed